Inter Milan နဲ့ စာချုပ်သစ်ချုပ်ဆိုလိုက်တဲ့ Arsenal ပစ်မှတ် Pio Esposito

Arsenal တို့ရဲ့ မျှော်လင့်ချက်တွေတော့ Deadline Day မှာပဲ အပြီးသတ် ပျက်ပြယ်သွားခဲ့ရပါပြီ။ Pio Esposito ဟာ Inter Milan နဲ့အတူ စာချုပ် သစ်တစ်ရပ်ကို တရားဝင် လက်မှတ်ရေးထိုး လိုက်တာကြောင့် ဒီလူငယ် တိုက်စစ်မှူး ကို ခေါ်ယူဖို့ Arsenal ရဲ့ စိတ်ဝင်စားမှုတွေလည်း အဆုံးသတ် သွားခဲ့ရပါတယ်။ အသက် ၂၁ နှစ်အရွယ်ရှိပြီဖြစ်တဲ့ ဒီတိုက်စစ်မှူးဟာ ပြီးခဲ့တဲ့ရာသီက Inter Milan အတွက် ၄၈ ပွဲ ကစားပေးခဲ့ပြီး ၁၀ ဂိုးသွင်း၊ ဂိုးဖန်တီးမှု ၆ ကြိမ် ပြုလုပ်ကာ အသင်းရဲ့ ၂၁ ကြိမ်မြောက် Scudetto ချန်ပီယံဆုကို ဆွတ်ခူးနိုင်အောင် အဓိက ပါဝင်ပတ်သတ်မှု ပြုလုပ်ပေးခဲ့သူ ဖြစ်ပါတယ်။

တစ်ဖက်မှာတော့ Arsenal ရော Manchester United ပါ Pio Esposito ကို ခေါ်ယူဖို့ အလေးအနက် စိတ်ဝင်စားခဲ့ကြတာပါ။ ရာသီကြို ပွဲစဉ်တွေအတွင်း သူ့ရဲ့ခြေစွမ်းကို စောင့်ကြည့်ဖို့ ကင်းထောက်တွေကိုပါ စေလွှတ်ခဲ့ကြပါတယ်။ ဒါပေမဲ့ ဒီ အီတလီ တိုက်စစ်မှူးကတော့ Inter Milan မှာပဲ သူ့ရဲ့အနာဂတ်ကို ဆက်လက် ပုံအပ်ဖို့ ဆုံးဖြတ်ခဲ့ပြီး ၂၀Mz၂ ခုနှစ် နွေရာသီအထိ သက်တမ်းရှိမယ့် စာချုပ် ကို လက်မှတ်ရေးထိုးလိုက်တာကြောင့် Premier League ကလပ်တွေရဲ့ မျှော်လင့်ချက်တွေ ပြိုလဲခဲ့ရပါတယ်။ ဒီအပြောင်းအရွှေ့ သဘောတူညီချက်ကိုတော့ အပြောင်းအရွှေ့ စျေးကွက် ပိတ်သိမ်းတဲ့ စက်တင်ဘာ ၁ ရက်နေ့မှာပဲ အတည်ပြုခဲ့တာ ဖြစ်ပါတယ်။

Pio Esposito ကလည်း Sky Sport Italia နဲ့ တွေ့ဆုံမှုမှာ "ကျွန်တော် တကယ်ကို ဝမ်းသာပီတိဖြစ်ရပါတယ်။ အမြဲတမ်းလည်း ပိုကောင်းအောင် ကြိုးစားသွားချင်ပါတယ်" လို့ သူ့ရဲ့ စာချုပ် သစ်အတွက် ပျော်ရွှင်မှုကို ဖွင့်ဟပြောဆိုသွားခဲ့ပါတယ်။ Monza နဲ့ပွဲမှာ ၁ ဂိုးသွင်း၊ ၁ ဂိုးဖန်တီးပေးခဲ့တဲ့ သူ့ရဲ့ ခြေစွမ်းပြ မှုတွေက ဥရောပဘောလုံးလောကရဲ့ အတောက်ပဆုံး လူငယ်ခြေတက် တစ်ဦးဖြစ်ကြောင်း သက်သေပြနေပါတယ်။ အခုအခါမှာတော့ Pio Esposito ဟာ Napoli နဲ့ ကစားရမယ့် အရေးကြီးပွဲစဉ်အပါအဝင် လာမယ့်ပွဲတွေအတွက် ပြင်ဆင်နေပြီး ဒီ စာချုပ် သစ်က Inter Milan ရဲ့ ချန်ပီယံဆု ကာကွယ်ရေးခရီးစဉ်မှာ သူဟာ အဓိကကစားသမားဖြစ်ကြောင်း ပိုမိုခိုင်မာစေခဲ့ပါတယ်။